«O máis pequeno acto de bondade vale máis que a maior intención».
Khalil Gibran
Se é do teu interese ser Voluntario/a de unha Asociación ou Protectora de Animais, moitísimas grazas por chegar ata aquí e interesarche por Colonias Canguesas!
Con actitude e traballo, cada voluntari@ inviste parte do seu tempo e esforzo para facer do mundo un lugar máis xusto, e aínda que hai centos de tipos de voluntariado e calquera pode loitar pola causa que máis lle guste, en Colonias Canguesas centramos o obxectivo nun punto moi concreto: gatos que viven nas rúas de Cangas.
O día a día dunha asociación que vela polos animais pode chegar a ser esgotador, e o traballo das persoas que se implican e axudan a coidar dos máis desfavorecidos é o que mantén en pé estes proxectos, o que achega felicidade, no noso caso, aos pequenos felinos.
Alimentación, desparasitación, CES e estado de saúde dos animais.
Transporte de gatos ao veterinario.
Participación en eventos para dar visibilidade á Asociación
Elaboración de casetas, comederos ou utensilios para facilitar a vida dos gatos nas colonias.
Participación en mercadillos solidarios para recaudar fondos para costear os gastos veterinarios.
Control de acollidas/adopcións e seguimento das mesmas.
Difusión de animais perdidos, que buscan reencontrarse cos seus compañeiros humanos.
Difusión de gatos abandonados, que necesitan con urxencia un fogar.
Achegar ideas, proxectar obxectivos, deseñar plans que axuden a axudar.
sentido da responsabilidade van facer falta para emprender esta aventura. Pode parecer complicado, pero non esquezas que, por cada minuto do teu tempo libre investido, obterás unha recompensa a nivel emocional. Sumarás experiencias e, por encima de todo, poderás levantar o mellor trofeo: estás a facer do mundo un lugar máis amable.
Se recheas o seguinte formulario, poñerémonos en contacto contigo para darche toda a información que necesites e resolver dúbidas
